Ավարտին է մոտենում մեր երրորդ տարին։ Այս տարի ունեցանք միայն մասնագիտական առարկաներ, որոնց ժամանակ մեծ փորձ ձեռք բերեցինք։ Քանի որ այս տարի մեր գիտելիքները կիրառել ենք նաև գործնականում, ես կարողացա ինձ համար կարել երկու հագուստ։ Առաջին հագուստի՝ վերնաշապիկի կարելու ընթացքի մասին կարող եք ընթերցել անցնելով հետևյալ հղումով։ Երկրորդ հագուստը դա սև զգեստն էր, որը շատ երկար ժամանակ ցանկացել եմ իրագործել։

Մոդելավորման դասերի ընթացքում Ընկեր Մերիի հետ կատարել ենք զանազան աշխատանքներ, որոնցից էին քիմիայի լաբարատորիայի համար խալաթների ձևավորումը, էկո-պայուսակների կարելը` տարբեր տարիքային երեխաների հետ, մեղվապահերի հագուստների վերանորոգումը, շրջանավարտների հագուստները և այլն․․․ Սովորեցինք նաև կարել եռանկյունաձև կրծկալ և փոքր սերունդին փոխանցել մեր գիտելիքները։ Ունեցել եմ նաև իմ ներդրումը «BIG Cristmas Market»-ի ժամանակ, կարել ենք էկո-պայուսակներ և դեկորատիվ բարձի պատյաններ՝ մեր լոգոներով։

Դասերից զատ ունեցել ենք ուսումնաճանաչողական այցեր դեպի թանգարաններ։ Այցելել ենք «Ժողովրդական արվեստների թանգարան», «Տերյան մշակութային կենտրոն» և «Լուսիկ Ագուլեցու տուն_թանգարան»։

Ունեցել ենք դասաժամեր՝ մասնագիտանական փորձառության, որի ժամանակ Ընկեր Կարինեի հետ սովորեցինք նկարել մոդելներ։ Իմ ամենասիրելին եղավ հայկական տարազներին նվիրված դասաժամերը։

Ապրիլ ամսվա ընթացքում փոխել ենք մեղվապահերի համար նախատեսված հագուստների ցանցերը, ինչպես նաև վերանորոգել ենք վնասված հատվածները։

Մարտ ամսին որոշեցի ինձ համար կարել զգեստ։ Սկզբում գտա զգեստի մի օրինակ, որը շատ հավանեցի։ Վերցրեցինք իմ չափումները, որից հետո ընտրեցի տրիկոտաժե սև կտոր և շղթա։ Հանեցի անհրաժեշտ ձևվածքները։

Լեկալների օգնությամբ ձևեցի կտորը և անցա կարելու ընթացքին։

Ահա և վերջնական արդյունքը՝

Իհարկե այս ամենը իրագործեցի Ընկեր Մերիի օգնության շնորհիվ ♥♥♥

Այսօր Ձոն ստուգատեսի շրջանակներում «Արևելյան դպրոց»-ի 2-րդ դասարանցիների հետ ունեցանք նախագիծ։ Երեխաների հետ կատարեցինք շարֆերի ներկում։ Աշխատեցինք շիֆոնե սպիտակ գործվածքի վրա։ Յուրաքանչյուր երեխա սովորեց, թե ինչպես ներկել գործվածքը՝ օգտագործելով բատիկի հանգույցի տեխնիկան, իսկ պատրաստի արտադրանքը կլինի նվեր մայրիկին))

Այսօր Հյուսիսային դպրոցի երրորդ դասարանցիների հետ ունեցանք նախագիծ։ Փոքրիկների հետ միասին, սպիտակ բիազ կտորից ձևեցինք և կարեցինք էկո-պայուսակներ։

Այսօր ազգագագրության փառատոնի շրջանակներում այցելեցինք Հովհաննես Շարամբեյանի անվան Ժողովրդական արվեստների թանգարան, որտեղ ուսումնասիրեցինք մի շարք ձեռագործ աշխատանքներ այդ թվում՝ գորգագործություն և կարպետագործություն, ասեղնագործություն և ժանյակագործություն, տարատեսակ նյութերի գեղարվեստական մշակում և այլն։

Այնուհետև ուղևորվեցինք դեպի Տերյան մշակութային կենտրոն, որտեղ մեզ ցուցադրեցին Հայաստանի մի քանի տարածաշրջանների տարազները։ Ներկայացված տարազները իրենք էին վերականգնել, թանգարանների կողմից տրամադրված դետալներով։ Ամենից շատ տպավորվեցին՝ Վան-Վասպուրականի, Շուշիի և Երևանի կնոջ տարազները։

Այս տարեսկիզբը արդեն սկսել ենք նոր աշխատանքով։ «Արտադրությամբ ուսուցում» ուսումնական նախագծի շրջանակներում կարում ենք խալաթներ՝ Միջին դպրոցի քիմիայի լաբորատորիայի համար: Անհրաժեշտ են՝ հետևամասի և առաջամասի հիմանական կտորները, օձիքը, լանջափեշատակը, ինչպես նաև գրպանը: Այս ամենը կարելուց հետո մնում է միայն հանգույցների ապա կոճակների տեղադրումը։

Նկարներ ընթացքից՝

Վերջնական արդյունը

Եվս մեկ ուսումնական կիսամյակ հաջողությամբ մոտենում է իր ավարտին։ Այս տարի ունենք միայն մասնագիտական առարկաներ ինչը թույլ տվեց լիովին ուսումնասիրել հագուստի մոդելավորման ասպարեզը։

Նախ ձեռք բերեցի բազում գիտելիքներ գծագրերի կառուցման շնորհիվ։ Սկսեցինք գծագրել կնոջ վերնաշապիկը, ապա այն իրագործեցինք։

Հաջորդիվ անցանք պիջակի գծագրի կառուցումը, հուդի ինչպես նաև տաբատ։

Կողմնակի միասնական աշխատանքները նույնպես շատ էին, օրինակ՝ հարավային դպրոցի համար նստելաբարձերի ձևավորում, թաշկինակների և շարֆերի ներկում երեխաների հետ բատիկի հանգույցի տեխնիկայով, էկո-պայուսակերի ձևավորում:

Նոյեմբեր ամսից սկսեցինք BIG Cristmas Market (2023-2024) Ամանորյա ցուցահանդես-տոնավաճառի համար կարել էկո-պայուսակներ և դեկորատիվ բարձի պատյաններ, ապա դրանք նկարեցինք՝ բատիկի չոր տեխնիկայով։

Էսքիզավորումը այս կիսամյակ հասցրեցի կատարել երկու թեմայով՝ կորսետային ինչպես նաև մետրոպոլիտենը որպես նորաձևության հարթակ։

Այսօր սկսեցինք նաև պատրաստել ամանօրյա մանեկեն՝

Ուսումնական տարվա սկիզբ

Վերնաշապիկի կարման ընթացքը